به گزارش خسروشاه نیوز، لَقبی سردار میلّی اولان ستارخان مشروطه موباریزلَریندَن و مَشهور آزادلیق ایسته‌ین، ۱۲۴۵ هجری شمسی ایلین مهر آئینین ۲۸ ده قره‌داغین بیشک کندینده دونیایه گلدی.
او مَشروطه‌خواهلیق و آزادلیق موباریزه‌لَرین اوّل‌لَرینده تبریزه گَلدی و مشروطه‌ایسته‌یَنلرین صَفینده دوردو.
محمد‌علی شاه مَجلیسی بومباران اِئدنده و اوندا کی اؤلکه‌نین باشاباشیندا شیدَّتلی خَفقان حاکیمیدی موباریزه شوعله‌لَرین تبریزده دیری ساخلادی و تبریز قیامی‌نین رهبرلیغین الینه آلدی.
او تِهرانین فَتحی و محمد‌علی شاهین خَلعیندَن سونرا جماعتین ایستگی‌اینن تهرانا گَلدی و جماعت اوندان ایستیقبال ائله‌دیلر و اونلارین تهرانا گلمه‌سی‌اینن بیر زماندا استعمارین نؤکری اولان نوماینده‌لر بعضی جیره‌خوار قلم وورانلارینان بیرلیقدا اونو دانلاماغا باشلادیلار و ایغتیشاش سالماغا موتّهم ائله‌دیلر.
بیر مودّت سونرا تهرانین شهربانی رَییسی اولان «یپرم خان» اوندان و یولداشلاریندان ایسته‌دی کی سیلاحلارین تحویل وِئرسینلر آما ستارخان کی اونلارین توطئه‌سیندن خبری واریدی تسلیم اولمادی.
نهایتده شهربانی مأمورلاری و آزادلیق ایسته‌ینلرین آراسیندا شیدَّتلی جنگدَن سونرا ستارخانین یولداشلاری‌نین چوخو شهید اولدولار.
ستارخان‌دا بَتر یارالاندی و بیر مدّت سونرا همان یارانین اَثرینده ۱۲۹۲ هیجری شمسی ایلینده شهادَته چاتدی و «ری»ین طوطی باغیندا توپراغا تاپیشیریلدی…